അഴിഞ്ഞാട്ടം

 പ്രതലങ്ങളില്ലാതെ ,

 ചില വരകള്‍ മാത്രം ....

 മറ്റെല്ലാം ,

 ജീവിതക്കുരുക്കില്‍ പിടയുന്ന 

അനാവശ്യങ്ങള്‍ ......

 

നിശബ്ദ വേട്ട

നീ അമ്പെയ്തു തുളച്ചതെന്‍ പ്രണയം...

നിന്‍റെ നിശബ്ദതയില്‍,

വെന്തു പോയതെന്‍ ഹൃദയം ...

ആത്മബലി

ചില ചോദ്യങ്ങള്‍ക്ക്  മുന്നില്‍ ,
എന്‍റെ പ്രണയത്തിന്‍റെ വേരറുത്ത് ,
ചോരപ്പാടുകള്‍ കാട്ടി ,
ആത്മബലി ചെയ്തുപോകുന്നു ..........!!!

ശിരോലിഖിതം

ഗദ്ഗദങ്ങള്‍ക്ക് മേല്‍ ,

നിന്‍റെ  പ്രണയത്തിന്‍റെ ബാക്കി ....

സ്വപ്നങ്ങള്‍ക്ക് മേല്‍ ,

നിന്‍റെ സ്വപ്നങ്ങളുടെ ബാക്കി ....

ഉത്തരാധുനികത

കനം കൂടിയ വാക്കുകളും ,
ദിക്കുതെറ്റിയ നോക്കുകളും ,
ഭ്രാന്തമായ ജല്പനങ്ങളും ............
ഇതായിരിക്കുമോ ,
മഹാന്‍മാര്‍ പറയുന്ന ,
ഉത്തരാധുനികത ...???!!!

അര്‍ദ്ധരസം

 സ്വപ്നങ്ങളുള്ളത് നല്ലതാണ് ....

പാതി സ്വര്‍ഗ്ഗവും  ,

പാതി പ്രണയവും ,

പാതി രതിയും ,

സ്വപ്നം മാത്രമാണ് .....!!!!

അവസ്ഥാന്തരം ...

ഒരു മങ്ങൂഴത്തിന്‍റെയൊടുവില്‍................,
അടര്‍ന്നിളകുന്ന തോല്‍പ്പാളികളാല്‍ മുഖം മറച്ചു ,
ധ്യാനിച്ചിരിക്കുന്ന കുബേരന്‍മാര്‍ ....

ചാക്രികം...

എന്‍റെ നാക്കുറയ്ക്കാത്ത പരാതികളിന്മേല്‍,

കല്പ്പിക്കപെട്ട  തീര്‍പ്പ് ,

ഒടുങ്ങിയ വഴികളില്‍ ഞെരുങ്ങി ,

പരാതിത്തുമ്പില്‍ വന്നു കുരുങ്ങി ...

പിന്നെയും പരാതി...

പിന്നെയും തീര്‍പ്പ്...!!!

പങ്കാളി ..

ഹൃദയപ്പാതിയും ഉടല്‍പ്പാതിയും  ,

ഇണചേരുന്നതിന്‍റെ നേര്‍ക്കാഴ്ച്ച....

അതാകട്ടെ ,

ഭൂമിയിലെ ഏറ്റവും നല്ല കാഴ്ച്ച!!!!

നിഴല്‍പ്പാലം...

കാലദൂത് ഇടവഴികള്‍ പിന്നിടുമ്പോള്‍ ...

ക്ഷേമം പറയാന്‍ നിഴലുകള്‍ മാത്രം..!!!

തലമുറകള്‍ക്കിടയിലെ വിടവളക്കാന്‍,

ഒറ്റനൂല്‍ കെട്ടിയ നിഴല്‍പ്പാലവും..!!!!

യാത്ര

പുനര്‍ജ്ജനികള്‍ തേടിയല്ലെങ്കിലും,

ഇതുമൊരു യാത്ര .....

മണ്മറഞ്ഞ പരാതികള്‍ക്കുമേല്‍,

ഇരുളൊഴിച്ചു ,

സുഖം തേടിയൊരു യാത്ര....!!!    

മൃദുപൂജ

ഘോരമല്ലാത്ത മന്ത്രപ്പകര്‍ച്ച ....

നിശ്വാസമര്‍മ്മരം...
ധൂമവിതാനം...
ലയനം ...!!!   

തന്ത്ര....

നിന്‍റെ ശ്വാസത്തില്‍ ,

എന്നെ ഉള്‍ച്ചേര്‍ക്കുക...

നിന്‍റെ മൌനങ്ങളില്‍ ,

എന്നെ കുടിയിരുത്തുക ....

നിന്‍റെ വിരല്‍ത്തുമ്പുകളാല്‍,

എന്നെ അറിയുക...!!!

കിരാതം..!!

ഭോഗവിത്ത് മുളയ്ക്കില്ലിവിടെ...

പ്രണയമഴ പെയ്യില്ലിവിടെ...

തിരിച്ചെടുക്കാത്ത നിശ്വാസം  മാത്രം ,

അനവസരങ്ങളില്‍  പുനര്‍ജ്ജനിക്കുന്നു ....!!!

പിറന്നാള്‍...

പപ്പുവില്ലാത്ത പിറന്നാളില്‍ ,

ഞങ്ങളുടെ അനാഥത്വം പൂര്‍ത്തിയായി ...

ചെറിയവരായിരുന്നിട്ടും,ഞങ്ങള്‍

വലിയവരെപ്പോലെ മൌനം പാലിച്ചു ..!!!!

സഹൃദയന്‍ !!!!

 നിന്നെ ഞാന്‍ തിരിച്ചറിഞ്ഞത്,

സര്‍ഗാത്മകതയുടെ ഇടനാഴികളില്‍വെച്ച് ...

നീയെന്നെ വലിച്ചെറിഞ്ഞത് ,

പ്രണയത്തിന്‍റെ ഔന്നത്യങ്ങളില്‍  നിന്ന്...

അയോഗ്യത..

തുടങ്ങിയതൊടുക്കാതെ-

യൊളിച്ചോടിയതിനു ,

ഞാന്‍ കല്പിച്ച ശിക്ഷ ,

അയോഗ്യത ...!!!!

തനിച്ച്...

ഗുരുതരമായ വീഴ്ച്ചകള്‍,

നിന്നെ ബലവാനാക്കും!!

ഒന്നുമില്ലായ്മ ,

നിന്നെ രാജാവാക്കും !!!

അരസികന്‍

എന്‍റെ പ്രണയത്തുമ്പില്‍ ദംശിച്ച് ,
വിവശത പടര്‍ത്തി ,
ആലോചനകളില്ലാതെ ,
നീ പടം പൊഴിച്ചു ...!!!!! 

പ്രണവം..

മുഴങ്ങുന്ന കാഹളം ...
മന്ത്രധ്വനി ..
ശേഷം ...നിശബ്ദം !!!!
ഇനി അതിജീവനം ....

ഹൃദയാലു...

ചരിത്രം തന്ന പേര്....!!!
സങ്കേതങ്ങളില്‍ ഒളിഞ്ഞിരുന്ന്,
വില്ല് നാട്ടുമ്പോഴും ,
നീ ഹൃദയാലു തന്നെ ......

ബലി.....

ചില ആത്മാക്കള്‍ക്കായി ,

കുരുതിക്കളം തീര്‍ത്ത്,

വാളിനും ചോരയ്ക്കുമിടയില്‍ ,

ഇടറാതെ നിന്ന് ബലിയെടുക്കുന്നവന്‍...!!!!

സ്വര്‍ഗ്ഗ വാതിലിലെ വേട്ടനായ ....!!!

തീരം തേടി ......

അലയുവാനിനിയില്ല ദൂരം.....!!!

നിഴല്‍പ്പാടു  പതിച്ച് ,

ആഴം തിരഞ്ഞ്,

കടമെടുത്ത ചിരി നുണഞ്ഞ്‌ ,

യാത്ര....!!!

വേട്ട .................

ഗര്‍ഭപാത്രങ്ങള്‍ വിലക്ക് വാങ്ങി ,

ബീജമൊളിപ്പിച്ചു, വളര്‍ത്തിയടര്‍ത്തി ,

പാതാളത്താഴ്ചകളിലേക്കെറിഞ്ഞാല്‍ ,

നിനക്ക് സുഖമോ ...???

    

ആന്ദോളനം

 പ്രണയവാത്മീകങ്ങള്‍ തകര്‍ത്തു ,

ജന്മാന്തരങ്ങളിലേക്കു കണ്‍തുറക്കുക....

എന്‍റെ കേളീഗേഹങ്ങള്‍ തേടി ,

ഉലഞ്ഞാടുക....................!!!

യുഗാന്തരം

 കോളിളക്കങ്ങള്‍ക്ക് നടുവിലൂടെ ,

എന്നെയും വഹിച്ചൊഴുകിയത്,

പാകം വരാത്ത പ്രണയം .........!!!

അതുപാകിയ വിത്തുകള്‍,

 മുളപൊട്ടി പിന്നെയും പടര്‍ന്നത് ,

പ്രളയം ........!!!!!!

സാങ്കല്‍പ്പികം ..........

വെണ്‍മേഘങ്ങള്‍ക്ക് കീഴെ ഒഴുകിയിറങ്ങി ,

ഇണനാഗങ്ങളാകാന്‍...,

പിണഞ്ഞമര്‍ന്നു മുഴുകാന്‍ .......................

പ്രണയ സാഗരം തീര്‍ക്കാന്‍...

കൊതി ......................!!!!!!!

പ്രിയദര്‍ശനം

പ്രണയസ്വപ്നങ്ങള്‍ക്ക് മീതെ ,
ചിരാതു തെളിയിക്കുമ്പോള്‍  ,
പുകമറയ്ക്കുള്ളിലൂടെ  കാണുന്നു  ,
ഉറുമ്പരിച്ച നിന്‍  കണ്‍പീലികള്‍ .....

ജ്ഞാനോദയം

നാക്കിന്‍ തുമ്പ് ചവച്ചു തുപ്പിയ ബഹുവചനം ...
ജനം ..............!!
അളവുകോലില്ലാതെയളന്നെടുത്ത ധനം...
മൂഡത്വം ...!!!

അപൂര്‍വ്വം ........

ജീവിതം പ്രകടനമാകുമ്പോള്‍ ,
പ്രണയം നാടകമാകുന്നു ..!!
പ്രകടനം ജീവിതമാകുമ്പോള്‍ ,
നാടകം പ്രണയമാകുന്നു...!!!

മോക്ഷം

 സുഖപദാര്‍ത്ഥങ്ങളൊഴിഞ്ഞ ,
നിഴലണിഞ്ഞ അന്ത :പ്പുരം ................
ഇലയനക്കം പോലുമില്ലാതെ ,
ഇരുട്ടണിഞ്ഞ പ്രേമഗോപുരം....

പ്രണയദിനം

 പ്രണയം ഓര്‍മ്മയില്‍ മാത്രമാകുമ്പോള്‍,
ഇറുത്ത പൂക്കള്‍ വാടിവീഴുന്നു ..............
ശൂന്യമായ ഇടനാഴികളില്‍ വീണ്,
ഇതളുകള്‍  മരവിക്കുന്നു ..........
തിരിച്ചുപോക്കില്ലാത്ത സ്പന്ദനങ്ങളില്‍,
സുഖങ്ങളും കഴിഞ്ഞു പോകുന്നു.........

ഗൃഹാതുരത

ചില നാള്‍പ്പഴക്കങ്ങള്‍ പഠിപ്പിച്ചത്,
രുചിഭേദങ്ങള്‍ ............
ചില വിടവാങ്ങലുകള്‍ പഠിപ്പിച്ചത് ,
മറുമരുന്നുകള്‍ ....!!!

വിന്യാസം

സ്വരപ്പകര്‍ച്ചകള്‍  ഭാവിയുടെ സൂചനകളാണ് ..........
ദിശകളും ദൂരങ്ങളും അത് കോറിയിടുന്നു!!!!!!!!!
പ്രവചനങ്ങളെ നിസ്സംശയം തകര്‍ക്കുന്നു !!!!!!!!!!!!
ആത്മാവിലേക്കുള്ള പാലമൊരുക്കുന്നു!!!!!!!!!!!!!!

അജ്ഞാതം

നിന്നിലെ അവസാന വാക്ക് ................
എന്നെക്കുറിച്ചായിരുന്നോ?
കുരുക്കിന്‍ തുമ്പില്‍ ,
എന്‍റെ പേര്‍ അലറിവിളിച്ചുവോ ?
പിടഞ്ഞമരുമ്പോള്‍ ,
ഞാനായിരുന്നോ മനസ്സില്‍ ?
നിന്‍റെയാത്മാവ്  ,
 ഇനിയും ശേഷിക്കുന്നുവോ ?

അതിജീവനം

ചിരിയില്ലാത്ത ചിന്തയും ,
ചിന്തയില്ലാത്ത ചിരിയും .....
അവ കലര്‍ത്തിയൊരൊറ്റ വര ...........
അതാണതിജീവനത്തിന്‍റെ  മുദ്ര ..!!!!!111111

മുറവിളി

ഒരു യുഗാന്ത്യത്തില്‍,
തലമുറ പറയുന്നത് .........ഇല്ലായ്മകള്‍ !!!!!!!!!
മറുയുഗപ്പിറവിയില്‍  ,
അത് പറയുന്നത് ...........സ്വപ്‌നങ്ങള്‍!!!!!!!!!!!!

മന:പ്പായസം

ഒഴിഞ്ഞ മധുപാത്രങ്ങളില്‍ ,
തേന്‍ വിളമ്പുന്ന കാലം ..
കൊഴിഞ്ഞ കാട്ടുപൂവില്‍ ,
പ്രണയത്തിന്‍റെ മര്‍മ്മരം ...!!!!!!!1

പ്രണയക്കുരുക്ക്

ഈ കുരുക്കില്‍ തൂങ്ങിയാടുക സുഖകരം .....
ഇതിന്‍റെ ഭാരമില്ലായ്മയില്‍ അലിയാനെളുപ്പം....
മുറുകുന്ന താളത്തില്‍ ധമനികളറുക്കുമ്പോള്‍   ,
പകര്‍ന്നാടുകയസാധ്യം ....!!!!!

ആത്മാക്കള്‍ ...........

നിന്‍റെ ഇല്ലായ്മയില്‍ ഇരുട്ടിലായത് ,
എന്‍റെ വെളിച്ചം .......
നിന്നോടൊപ്പം പടിയിറങ്ങിയത് ,
എന്‍റെ പ്രണയം .....

മേന്മ

നിശബ്ദമാക്കപ്പെട്ടവ ,
പ്രകൃതിയോളം താണു......
അടിമപ്പെട്ടവ ,
മരണത്തോളം വളര്‍ന്നു ........

പ്രണയപൂരണം

ചില ഗതികേടുകളില്‍  ,
ഞാന്‍ നിന്നെ ശപിക്കും ......
പാതിയറ്റ പ്രണയത്തിലും  ,
ഉറഞ്ഞുപോയ കാമത്തിലും  ,
ഇനിയും നീളുന്ന ആയുസ്സിലും ....!!!!!!

അനുപൂരകം

 പ്രണയപ്പാതി കൊഴിഞ്ഞു ,
കരളിനെയുരുക്കി .......!!!
ഉരുക്കിയതുറഞ്ഞു.....,
ഉറഞ്ഞത്‌ തകര്‍ന്നു ...!!!!

ഓളം

 സമര്‍പ്പണ രേഖകള്‍ കടന്ന് ,
നുരയമര്‍ത്തി വന്നൊരോളം.........
തീരമറിയാതെ പടര്‍ന്ന്,
തിരയിലലിയുന്നു.........

ശമനം

കാലമുണര്‍ത്തിയ താളത്തില്‍ ,
പതിഞ്ഞാടിയ പ്രണയം.........
ഗതിമാറ്റങ്ങളറിയും മുന്‍പേ,
ചിറകരിഞ്ഞു ,പ്രാണന്‍ വെടിഞ്ഞു .................

ഉറവ

ആത്മഭാഷണങ്ങള്‍ക്ക്     മീതെ ,
തരം തിരിച്ച കനിവുറവകള്‍........
പ്രണയക്കെടുതിയില്‍     വെന്തുപോയതിന്മേല്‍,
ഉരുകിയൊഴുകുന്നു ,  ആര്‍ത്തിയുറവകള്‍........ !!!

നിര്‍വ്വാണം

 ശീലക്കേടുകള്‍ മറന്ന് ,
ഒഴിയാബാധയെന്നു സ്വയം പറഞ്ഞ്‌,
ഭ്രാന്തന്‍തൊലിയുരിച്ച് ,
ആത്മസുഖം നേടുന്നത് ഞാന്‍..................!!!!!!

പൂര്‍ണാര്‍‍ത്ഥം

ദൂരമളക്കാതെ നിന്നില്‍ചേര്‍ന്ന് ,
ആഴമളക്കാതെ നിന്നിലലിഞ്ഞ് ,
നേരമളക്കാതെ നിന്നിലൊളിച്ച്,
ഞാന്‍  പ്രണയം ധ്യാനിക്കുന്നു .........

സ്വപ്നാടനം

ആലിംഗനങ്ങളാല്‍ സംരക്ഷിക്കപ്പെട്ട് ,
ചുംബനങ്ങളാല്‍ ശുദ്ധീകരിക്കപ്പെട്ട്,
ഞാന്‍ നിന്നോടൊപ്പം യാത്രയിലാണ് .....,
യുഗങ്ങള്‍ക്കപ്പുറത്തെ ഉറക്കറയിലേക്ക്  !!!!!!!!!!!!!

ആത്മപ്രയാണം

  നിറങ്ങള്‍ ഞാന്‍ തേടിയിട്ടില്ല ...
നിറവുകള്‍ അളന്നിട്ടില്ല.....
ആഹുതിയില്‍ നിന്നും ആത്മാവിലേക്ക് ,
നിന്നിലൂടെ പുനരധിവസിക്കുക മാത്രം   ..................!!!!!!!

നിരീക്ഷണം

കാലപ്പഴക്കം തീര്‍ത്ത വടുക്കള്‍ ,
കലപ്പപ്പാടുകള്‍ പോലെ ....
അവ ,ആഴ്ന്നു തിണര്‍ത്തു കനത്ത് ,
വിളനിലങ്ങള്‍ സൃഷ്ടിക്കുന്നു ...!!!!

പരിവര്‍ത്തനം

 ആജ്ഞകലരാത്ത കൈമാറ്റങ്ങള്‍ ,
പതിവ് തെറ്റിയ അനുഷ്ഠാനങ്ങള്‍,
ഉണര്‍ന്നിരിക്കുന്ന പാതിരാവുകള്‍ .............
ഇത് ..., പ്രണയപരിവര്‍ത്തനം !!!!

പ്രണയമര്‍മ്മരം

ആര്‍ത്തിരമ്പാതെ, കലങ്ങി മറിയാതെ ,

കരപറ്റിയൊഴുകുന്ന ഉറവ .........

ചില തിരയിളക്കങ്ങള്‍ മാത്രം ഉണര്‍ത്തി ,

ഉപരിതലങ്ങളെ  നനയ്ക്കുന്നു...............

നിശബ്ദമായി .............!!

അപൂര്‍ണ്ണം

  നിഴലാട്ടങ്ങളില്‍ നീയില്ല..............
നീ പൊഴിച്ചിട്ട മുഖപടങ്ങളുമില്ല.....!!
ചില മറവുകളില്‍ , ചകിതയായി ,
ഈ പക്ഷി  കുളിര്‍ന്നു വിറക്കുന്നു ............

രതി

 ഒരു ചലനം ........
പല തിരച്ചില്‍ .........
ഒരേ ഉത്തരം ..........
ഊര്‍ജ്ജപ്രവാഹം ......!!!

പകല്‍ക്കിനാവ്

 ചിറകുമുളച്ചവ സ്വപ്നങ്ങളും ,
തോല്‍വിയറിഞ്ഞവ പരാതികളും ..........!!!!
മാറ്റമില്ലാത്തവ പ്രതീക്ഷകളും ,
നേട്ടമില്ലാത്തവ ആത്മാഹുതികളും ....!!!!

രോദനം

ഇനി നീയില്ലെന്നതും ,
ഞാന്‍ മാത്രമെന്നതും ,
 ഭയപ്പെടുത്തുന്നു ...............!!!
പുനര്‍ജന്മങ്ങള്‍ക്കായി നീ തിരയാത്തതെന്ത് ?
ഉയിര്‍ക്കൊള്ളുന്ന നിന്‍റെ പ്രാണനെക്കാത്ത് ,
ഞാനിവിടെയിരിക്കുന്നു ........................!!

ക്ഷിപ്രപ്രസാദം

ചില ദിഗംബരയാനങ്ങള്‍ക്കപ്പുറം,
ഞാനറിഞ്ഞ  സ്വര്‍ഗ്ഗങ്ങള്‍ ..........!!!
പിന്നെയും പിന്നെയും ഉന്മത്തയാക്കുന്ന ,
പ്രണയപ്രയാണങ്ങള്‍ ........!!!!!
  

രസമുകുളം

എന്‍റെ വിശപ്പിനു മേല്‍ വിയര്‍പ്പിറ്റിച്ച്  ,
ഇന്ദ്രിയങ്ങള്‍ തകര്‍ത്ത്  ,
ചലനങ്ങള്‍ ചാക്രികമാക്കി ,
പ്രണയമൂട്ടിയതെന്തിന്...???

കര്‍മ്മകാണ്ഡം

സിരയില്‍ നുരഞ്ഞമര്‍ന്നു,
സ്നേഹപടം പൊഴിച്ച് ,
ഉയിര്‍ക്കൊള്ളുന്ന പ്രണയം ,
ചിലതിനു മുന്‍പില്‍ മാത്രം നിശബ്ദം .................!!

ആജ്ഞാനുവര്‍ത്തി

നിന്‍റെ ഹൃദയത്തിലേക്കുള്ള വഴി തേടി ,
ഭിക്ഷാടനം ചെയ്തതിനാല്‍ ,
എന്‍റെ പ്രണയത്തിന്‍റെ പോരായ്മകള്‍ ,
പോരടിച്ചു പിന്‍വാങ്ങുന്നു.. . 
ലഭിക്കാത്ത ഭിക്ഷ , കൊടുക്കാത്ത പ്രണയമാണ് ..
അതൊരു നൈരന്തര്യമാകുന്നു .....!!!!
അനുവര്‍ത്തനമാകുന്നു.....!!!

മുദ്രണം

ഇളംപ്രണയങ്ങള്‍ ......
നനുത്ത ചുംബനമാലകളാല്‍ മുദ്രിതം .............!!!
പ്രാരാബ്ധങ്ങള്‍........
കനത്ത മൌനരോദനങ്ങളാല്‍  മുദ്രിതം .......!!!!

സാമാന്യ കല്‍പ്പന

മേദസ്സ് മുറ്റിയ ഹൃദയധമനികളിലൂടെ
ഞെരുങ്ങിയൊഴുകിയ പ്രാണന്‍ ,
ചില കൈവഴികളിലൂടെ സ്വാതന്ത്ര്യം നേടിയത് ,
ഇനിയും രഹസ്യമത്രേ ..!!!!!

യുക്തി

പരമരഹസ്യങ്ങള്‍, ദൈവത്തിനുള്ളതാകട്ടെ ,
നിന്‍റെ സ്വപ്‌നങ്ങള്‍ എനിക്കും ....................
ഉള്‍ക്കാഴ്ച്ചകളില്‍ നിന്‍റെ പ്രണയം തിളക്കുന്നു ,
പരമരഹസ്യമായി ......
അതും  ദൈവത്തിനുള്ളതോ ..?

അഗ്നിദഹനം

ഉണക്കുമരങ്ങളെയുരുക്കിപ്പടര്‍ന്ന  കനല്‍ക്കാറ്റ്,
സൃഷ്ടിദോഷമില്ലാത്ത പുതിയ മരുഭൂമിയില്‍ ,
വിത്തുപാകുന്നു .....

കേളീരവം

 പ്രണയപ്പൊയ്ക....
താമരമാല ............
മോഹനമുരളി....
ചുംബന ലഹരി....!!

പലതില്‍ ചിലത് .........

തീവ്ര സാഗരങ്ങള്‍ ..
 ഉലഞ്ഞ  നാവ് ....
അനുഭൂതി പ്രകടനം .............
നിലനില്‍പ്പ്‌...

പ്രശ്നോത്തരി

ഇറ്റുവീണ നനവ്‌ .....
പിടഞ്ഞുണര്‍ന്ന നോവ്‌ ........
പറഞ്ഞൊഴിഞ്ഞ പ്രണയം ........
അടര്‍ന്നകന്ന ആകാശം ...................
അത് നീ ...........!!!!!

അവജ്ഞ

തീയുരുക്കിയ നിന്‍റെ കൈപ്പാതിയില്‍ ,
പേരൊളിപ്പിച്ച പ്രണയം ഞാന്‍ ...............
വരമ്പുതിര്‍ന്ന പ്രാണഞരമ്പ്‌ തുളച്ചു ,
ചോരയിറ്റിച്ച അപായവും ഞാന്‍ ......!!!